Dis moedersdag.

Trane het gister my hart oorspoel.
Intiem is ons vier broers saamgesnoer,
elk uniek oorweldig.
Met haar, in haar, oor haar -
Sewe-en-negentig jaar
van drukkies, gedagtigheid, gebede,
begrip, ondersteuning, ware vriendskap,
besorgdheid, opofferings,
opwinding en humor.

Nou het ons afskeid geneem …
'n Laaste vaarwel aan 'n volbloed ma.
'n Eerste moedersdag sonder haar.

Ons het haar gister begrawe.